ՏՏ իրավունք և ստարտափներ

Անդադար աշխատելով ստարտափների, աճող տեխնոլոգիական ընկերությունների և կայացած կորպորացիաների հետ՝ մեր իրավաբանները պատրաստ են լուծել ՏՏ իրավունքին առնչվող ցանկացած խնդիր: Վստահեցնում ենք, որ առաջին իսկ պրոդուկտի ստեղծումից (MVP) մինչև արտադրանքի գործարկումը կստանաք մասնագիտական համապարփակ աջակցություն:

Հաջողակ բիզնես կառուցելը հեշտ չէ, սակայն մեր թիմը մշտապես ձգտում է ստանալ նոր մարտահրավերներ և երբեք բաց չի թողնում մրցակիցներից մեկ քայլ առաջ լինելու հնարավորությունը: Լինելով տեղական շուկայի առաջատար ներկայացուցիչը՝ «ԷՄ ԲԻ Լեգալ» ՓԲԸ-ն գտնում է նույնիսկ ամենաանհավանական խնդիրների լուծումները:

Ընկերությունը մատուցում է հետևյալ ծառայությունները՝

• Ցանկացած երկրում նոր ընկերության կամ արդեն գործող ընկերության մասնաճյուղի գրանցում, գործընթացի վերաբերյալ իրավաբանական խորհրդատվություն, բաժնետիրական, ինչպես նաև ներդրումային համաձայնագրերի վերաբերյալ իրավական խորհրդատվության տրամադրում,
• Մասնագիտական խորհրդատվություն տեխնոլոգիական նախաձեռնությունների վերաբերյալ, ինչպիսիք են վեբ կայքերի կանոնների և պայմանների գաղտնիության, անձնական տվյալների պաշտպանության փաստաթղթերի մշակում և այլն,
• ՏՏ ոլորտին առնչվող համաձայնագրերի նախագծերի, ծրագրային ապահովման արտոնագրերի և պայմանագրերի կազմում և մշակում,
• Նոր տեխնոլոգիաների և մտավոր սեփականության զարգացման, պաշտպանության և առևտրայնացման գործում համապարփակ իրավաբանական օգնության տրամադրում,
• Թվային գործարքների վերաբերյալ խորհրդատվության տրամադրում,
• Բիզնես գործընթացների և ավտոմատացման համար իրավական վարքագծի ալգորիթմների մշակում,
• Հաճախորդների շահերի ներկայացում ՏՏ ոլորտի և մտավոր սեփականության հետ կապված դատական և արբիտրաժային վարույթներում:

«ԷՄ ԲԻ Լեգալ» ՓԲԸ անգնահատելի փորձ ունի թվային աշխարհում իրավաբանական աջակցություն ցուցաբերելու հարցում: Պաշտպանելով տեխնոլոգիական ոլորտի խոշորագույն ընկերությունների շահերը՝ մեր իրավաբանները մշտապես գործում են ՀՀ օրենսդրությամբ սահմանված կանոնների և միջազգայնորեն ճանաչված չափանիշների շրջանակներում: