Կարճ ուղեցույց
Օրենսդրական նոր փոփոխությունը նախատեսում է աշխատանքային պայմանագրերի կնքման, փոփոխման և դադարեցման ընթացակարգերի թվայնացում: Այս փոփոխությունը կարևոր քայլ է աշխատանքային գործընթացների պարզեցման և գործատուների, աշխատակիցների ու վերահսկող մարմինների միջև թափանցիկության բարձրացման համար:
Ընդհանուր նկարագիր
- Օրենսդրական փոփոխությունն ապահովում է աշխատանքային պայմանագրերի կնքման, փոփոխման և լուծման թվայնացված ընթացակարգեր:
- Բոլոր պայմանագրերը, բացառությամբ հատուկ դեպքերի, 2025 թվականի հուլիսի 1-ից կնքվելու են կամավորության հիմքով, իսկ 2026 թվականի հունվարի 1-ից՝ պարտադիր թվային համակարգով՝ էլեկտրոնային ստորագրության միջոցով:
Բացառություններ
- Պետական մարմինների հատուկ պաշտոններ զբաղեցնող անձինք, ում տվյալները օրենքով սահմանված են որպես գաղտնի կամ սահմանափակ:
- Քաղաքացիական և հանրային ծառայության պաշտոններ զբաղեցնող անձինք, ում աշխատանքային հարաբերությունները ձևավորվում են անհատական իրավական ակտով:
16 տարեկանից ցածր աշխատողների համար
Աշխատանքային պայմանագրերի կնքման համար պահանջվում է ծնողների, խնամատարների, որդեգրողների կամ խնամակալների էլեկտրոնային ստորագրությունը:
Թվային համակարգի կառավարում
- Կառավարությունը դեռևս չի որոշել թվային համակարգի կառավարման լիազոր մարմինը:
- Տեսչական մարմինը և ՀՀ ՊԵԿ ստորաբաժանումները կկարողանան ստանալ անհրաժեշտ տվյալներ աշխատանքային պայմանագրերի ստուգման և հարկային հսկողության համար:
- Օտարերկրյա աշխատողների դեպքում տվյալների հասանելիություն կունենա ՀՀ ՆԳՆ Միգրացիայի և քաղաքացիության ծառայությունը՝ վարչական վարույթի ընթացքը ապահովելու նպատակով:
Անձնական էջի հասանելիություն
- Գործատուներն ու աշխատողները կունենան անձնական էջ՝ տվյալների հասանելիության համար:
- 16 տարեկանից ցածր անձանց դեպքում՝ հասանելիությունը տրվում է պայմանագիրը կնքող ծնողին, խնամատարին, որդեգրողին կամ խնամակալին:
Կարգավորումների ժամանակացույց
- 2026 թվականի հունվարի 1-ից հետո 12 ամսվա ընթացքում գործատուները պետք է թվային համակարգում մուտքագրեն գործող պայմանագրերը:
- Մինչև 2026 թվականի հունվարի 1-ը պետք է ընդունվի ենթաօրենսդրական նորմատիվ ակտ՝ թվային համակարգի մուտքագրման կարգավորման վերաբերյալ:
- Ընդհանուր աշխատանքային օրենսդրության փոփոխությունների կարգավորումը պետք է ավարտվի մինչև 2025 թվականի մարտի 1-ը:
