ՀՀ քաղաքացիություն - կացության կարգավիճակ

ՀՀ քաղաքացիություն ստանալու կարգը հետևյալն է։ Գործընթացը սկսելու համար անհրաժեշտ է ներկայացնել ՀՀ քաղաքացիություն ստանալու դիմում։ Քաղաքացիությունը կարելի է ստանալ ինչպես ծննդով և ընտանեկան կապերով, այնպես էլ 3 տարի անընդմեջ կացություն ունենալուց հետո։

Կացության կարգավիճակ ստանալու համար անհրաժեշտ է դիմել ներկայացնելով պահանջվող փաստաթղթերը, ինչպիսիք են անձը հաստատող փաստաթղթերը, բիզնեսի կամ աշխատանքի հետ կապված տեղեկանքներ:
Կացության կարգավիճակը կարող է տրվել ժամանակավոր, մշտական կամ հատուկ կարգավիճակով, որը տրամադրվում է հիմնականում Հայաստանի տնտեսությանը և հասարակական կյանքին նշանակալի ներդրումներ կատարող անձանց։

Այս գործընթացը ապահովում է Հայաստանի Հանրապետության օրինական հիմունքներով կեցության և մասնակցության հնարավորությունը, որն էլ նպաստում է արտասահմանյան ներդրումների և միջմշակութային կապերի ամրապնդմանը։

ՀՀ քաղաքացիության դադարեցում

ՀՀ քաղաքացիության դադարեցումն իրականացվում է անձի դիմումի համաձայն կամ օրենքով նախատեսված այլ հիմքերով, որոնց թվում է նաև ՀՀ քաղաքացիությունից հրաժարվելու կարգը։
Հրաժարվելու համար քաղաքացին դիմում է ներկայացնում համապատասխան պետական մարմիններին՝ անցնելով օրենքով սահմանված ընթացակարգերը և բավարարելով բոլոր պահանջվող պայմանները։
Այդ կարգը ներառում է դիմումի ներկայացումը, իրավական պահանջների կատարումը և վերջնական հաստատումը՝ ՀՀ օրենսդրության համապատասխան:

ՀՀ երկքաղաքացիություն

ՀՀ երկքաղաքացիության ինստիտուտը թույլ է տալիս անձանց ունենալ և պահպանել երկու կամ ավելի քաղաքացիություն՝ առանց ՀՀ քաղաքացիությունից հրաժարվելու։

Եթե Ձեզ անհրաժեշտ է ստանալ երկքաղաքացիություն Հայաստանում, ընթացակարգը կարգավորվում է ՀՀ օրենքներով, որոնց համաձայն, երկքաղաքացիություն ունեցող անձինք ունեն նույն իրավունքները և պարտականությունները, ինչ ՀՀ այլ քաղաքացիները, բացառությամբ հատուկ սահմանված դեպքերի:

Կացության ժամանակավոր կարգավիճակ ստանալու համար դիմումատուն ներկայացնում է.

• հայերեն լեզվով լրացված դիմում
• դիմում-հարցաթերթիկ
• 35 x 45 մմ չափսի երեք գունավոր լուսանկար.
• անձնագիրը, անձնագրի պատճենը և անձնագրի նոտարական կարգով վավերացված հայերեն թարգմանությունը.
• առողջական վիճակի մասին տեղեկանք.
• ՀՀ-ում օրինական հիմքով բնակվելը հավաստող փաստաթուղթ` ՀՀ մուտքի վիզա(e-visa եթե ստացել է հմակարգի միջոցով), կացության քարտ, ՀՀ հատուկ անձնագիր, սահմանային վերահսկողություն իրականացնող մարմնի կողմից անձի փաստաթղթում ՀՀ մուտք գործելու մասին կատարված նշումը
• Անչափահասի դեպքում ծնողի կամ օրինական ներկայացուցչի անձնագիրը և ազգակցական կապը հաստատող փաստաթուղթը
• Լիազորված անձի դեպքում լիազորագիրը և լիազորված անձի անձնագիրը
• Պետական տուրքի վճարման անդորրագիրը (մինչև 18 տարեկան անձանց դեպքում պետական տուրք չի գանձվում)
• Հայաստանի Հանրապետությունում կացության կարգավիճակ ստանալու (կացության կարգավիճակը երկարաձգելու) հանգամանքը հիմնավորող փաստաթղթեր.

ա. Ազգությամբ հայի դեպքում՝ ազգությամբ հայ լինելը հավաստող փաստթղթերից որևէ մեկը
բ. Ձեռնարկատիրական գործունեության դեպքում՝ ձեռնարկատիրական գործունեությունը հավաստող փաստաթղթեր
գ. ՀՀ քաղաքացու կամ ՀՀ-ում հատուկ, մշտական կամ ժամանակավոր կարգավիճակ ունեցող օտարերկրացու մերձավոր ազգականի դեպքում՝ ազգակցական կապը հավաստող փաստաթուղթը, ՀՀ քաղաքացու անձնագիրը, հատուկ անձնագիրը, մշտական կացության քարտը, ժամանակավոր կացության քարտը
դ. Ուսման դեպքում՝ ուսման հանգամանքը հիմնավորող փաստաթուղթը