ՀՀ քաղաքացիություն - կացության կարգավիճակ

Ժամանակավոր Կացության կարգավիճակ

Ժամանակավոր կացության կարգավիճակ կարող է ստանալ յուրաքանչյուր օտարերկրացի, եթե նա կարող է հիմնավորել, որ ունի 1 տարի և ավելի ՀՀ-ում բնակվելու համար պատճառներ: Այսպիսի պատճառներ կարող են ներառել.

• աշխատանքային թույլտվության առկայությունը,
  ուսումը,
• ՀՀ-ում ժամանակավոր կացության կարգավիճակ ունեցող ամուսնու, ծնողի կամ զավակի առկայությունը,
• ՀՀ քաղաքացու կամ մշտական կամ հատուկ կացության կարգավիճակ ունեցող ընտանիքի անդամի (ամուսին, ծնող, զավակ, եղբայր, քույր, տատ, պապ, թոռ) առկայությունը,
• ձեռնարկատիրական գործունեություն ՀՀ-ում,
• ազգությամբ հայ լինելը,
• այլ օրինական պատճառներ:

Ժամանակավոր կացության կարգավիճակը տրամադրվում է մինչև 1 տարով, որը կարելի է երկարաձգել յուրաքանչյուր անգամ մեկ տարի ժամկետով։ Դիմումը երկարաձգելու համար անհրաժեշտ է դիմել կացության ժամկետի ավարտից առնվազն 30 օր առաջ։

Մշտական Կացության կարգավիճակ

Մշտական կացության կարգավիճակը տրվում է օտարերկրացուն, եթե վերջինս.`

• Փաստաթղթերով կարող է հաստատել է, որ ունի ամուսին/կին, կամ մերձավոր ազգականներ (ծնող, զավակ, եղբայր, քույր, տատ, պապ, թոռ), ովքեր հանդիսանում են ՀՀ քաղաքացի կամ ունեն հատուկ կացության կարգավիճակ։
• Ապահովված է Հայաստանում բնակարանով և բավարար նյութական միջոցներով։
• Մինչև մշտական կացության կարգավիճակ ստանալու դիմումը ներկայացնելը, առնվազն 3 տարի բնակվել է ՀՀ-ում՝ օրենքով սահմանված կարգով։
• ՀՀ-ում զբաղվում է ձեռնարկատիրական գործունեությամբ։
• Ազգությամբ հայ է։

Մշտական կացության կարգավիճակը տրվում է 5 տարի ժամկետով` յուրաքանչյուր անգամ նույն ժամկետով երկարաձգելու հնարավորությամբ:

Մշտական կացության քարտը երկարաձգելու դիմումը պետք է ներկայացվի մշտական կացության քարտի վավերականության ժամկետը լրանալուց առնվազն 30 օր առաջ:

Հատուկ Կացության կարգավիճակ

Հայաստանի Հանրապետությունում հատուկ կացության կարգավիճակ ունեցող անձինք՝ այդ թվում օտարերկրյա քաղաքացիներ և ազգությամբ հայեր, այն մարդիկ են, ովքեր ունեն ամուր կապեր ՀՀ-ի հետ՝ մշակութային, գիտական, տնտեսական, սոցիալական կամ այլ պատճառներով։

• Հատուկ կացության կարգավիճակի հիմնական առանձնահատկությունները հետևյալն են.
• Հատուկ կացության կարգավիճակի համար կարող են դիմել հիմնականում ազգությամբ հայերը, ինչպես նաև այն անձինք, ովքեր ունեն ՀՀ-ում գործարար կամ սոցիալական կապեր։
• Հատուկ կացության կարգավիճակը տրվում է 10 տարի ժամկետով, որի ավարտից հետո հնարավոր է դիմել կրկնակի երկարացման համար։
• Հատուկ կացության կարգավիճակ ունեցող անձը ստանում է հատուկ կացության քարտ, որն իրավաբանական փաստաթուղթ է՝ հնարավորություն տալով բնակվել և աշխատել Հայաստանում։
• ՀՀ հատուկ կացության կարգավիճակ ստանալու համար դիմողները պետք է բավարարեն օրենքով սահմանված պայմանները, և դիմումը ներկայացնելուց հետո՝ անցնեն համապատասխան ստուգումների գործընթաց։

Այս կարգավիճակը ներկայացված է Հայաստանի Հանրապետության «Օտարերկրյա քաղաքացիների իրավական վիճակի մասին» օրենքում։