Պաշտպանություն փողերի լվացման և հանցավոր ճանապարհով ստացված եկամուտների օրինականացման գործերով

Գլոբալիզացիայի պայմաններում ֆինանսական միջոցների շարժի վերահսկելիությունը անհրաժեշտ պայման է միջազգային վճարային համակարգերից օգտվելու համար։ Այդ իսկ պատճառով ՖԱԹՖ-ի (Financial Action Task Force (FATF) կողմից առաջադրված հանձնարարականները պարտավորեցնում են Վիեննայի և Պալերմոյի Կոնվեցիաները վավերցարած երկրներին, այդ թվում՝ Հայաստանի Հանրապետությանը, պայքարել փողերի լվացման դեմ։ Մեր փորձառու փաստաբանները պատրաստ են մատուցել բարձրորակ պաշտպանություն փողերի լվացման հետ կապված քրեական գործերով։

Կապ մեզ հետ

Ի՞նչ է փողերի լվացումը

Փողերի լվացման մասին ՀՀ քրեական օրենսգրքի 296-րդ հոդվածի համաձայն փողերի լվացում է համարվում՝ հանցավոր ճանապարհով ստացված գույքի կոնվերտացումը կամ փոխանցումը, որը նպատակ է ունեցել թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, տեղաբաշխումը, իրավունքները կամ պատկանելությունը թաքցնելը կամ խեղաթյուրելը կամ գույք ձեռք բերելը, տիրապետելը, պահելը, օգտագործելը կամ տնօրինելը։

Ո՞ր գույքն է համարվում հանցավոր ճանապարհով ստացված:

Հանցավոր ճանապարհով ստացված գույք է համարվում հանցագործության արդյունքում ուղղակի կամ անուղղակի առաջացած կամ ստացված գույքը, այդ գույքի օգտագործումից ստացված եկամուտը և այլ տեսակի օգուտը, հանցագործության համար օգտագործված կամ օգտագործման համար նախատեսված գործիքը և միջոցը, հանցագործության առարկան, որն ուղղակիորեն կամ անուղղակիորեն ստացվել է կամ առաջացել սույն օրենսգրքով նախատեսված հանցագործությունների կատարման արդյունքում։

Ի՞նչը չի համարվում փողերի լվացում:

Փողերի լվացում չի համարվում ապօրինի ձեռք բերված գույքից օգտվելը։ ՀՀ Վճռաբեկ դատարանի մեկնաբանմամբ եթե անձը դիտավորություն չի ունեցել օրինական շրջանառության մեջ դնել հանցավոր ճանապարհով ստացված միջոցները, այլ ընդամենը ցանկացել է օգտվել դրանցից, քանի որ ի վերջո հանցագործությունը կատարվել է հենց այդ միջոցները ձեռք բերելու և դրանցից օգտվելու նպատակով, ապա փողերի լվացման հանցակազմը բացակայում է։

Պրոֆեսիոնալ պաշտպանություն քրեական գործերով MB Legal-ի փորձառու փաստաբաններից։

Ստանալ իրավաբանական խորհրդատվություն

MB Legal-ը ներկայացված է լավագույն վարկանիշային աղյուսակներում

Հանցավոր ճանապարհով ստացված եկամուտների օրինականացում - փաստաբան

Պե՞տք է արդյոք ապացուցված լինի փողերի լվացմանը նախորդած հանցագործության կատարումը։

Ըստ ՀՀ Վճռաբեկ դատարանի նախադեպային որոշումների՝ պարտադիր չէ, որ նախորդած հանցագործության համար առկա լինի օրինական ուժի մեջ մտած դատավճիռ։ Փողերի լվացման առարկա հանդիսացող գույքի հանցավոր ծագումը հաստատելու համար բավարար է գործի փաստերից բխող որոշակի տվյալների, այդ թվում՝ անուղղակի ապացույցներ, որոնք ողջամտորեն հիմք կտան եզրակացնելու, որ խնդրո առարկա գույքն ունի հանցավոր ծագում։

Ի՞նչ աստիճանի պետք է հստակեցվի նախորդող հանցագործության նկարագրությունը։

Վարույթն իրականացնող մարմինը պարտավոր չէ ճշգրիտ կերպով վկայակոչել և նկարագրել ՀՀ քրեական օրենսգրքով նախատեսված այն կոնկրետ հանցակազմը, որի արդյունքում ստացվել է ապօրինի գույքը, այլ բավարար է տալ միայն որևէ հանցավոր արարքի ընդհանրական նկարագրությունը (օրինակ՝ գույքը ստացվել է հափշտակությունների, թրաֆիքինգի, թմրամիջոցների կամ զենքի ապօրինի շրջանառության, կազմակերպված հանցավորության այս կամ այն դրսևորման կամ այլ հանցագործության արդյունքում։

Կարևոր է նաև իմանալ, որ անձի կողմից շահադիտական դրդումներով այլ անձի կողմից հանցավոր ճանապարհով ստացված գույքը նախապես չխոստացված ձեռք բերելը կամ իրացնելը կամ իրացմանն աջակցելը, որը չի պարունակում փողերի լվացման հատկանիշներ համարվում է ինքնուրույն հանցատեսակ, որը նախատեսված է ՀՀ քրեական օրենսգրքի 295-րդ հոդվածով, և չի համարվում փողերի լվացման օժանդակություն։

Ինչո՞ւ դիմել MB legal-ի փաստաբաններին

Փողերի լվացման հետ կապված քրեական գործերի խնդիրները չեն սահմանափակվում բացառապես քրեական իրավունքի հարցերով, ֆինանսական միջոցների շարժի, փոխանցումների հիմնավորվածության հարցրերի լուծումները պահանջում են կորպորատիվ իրավունքի և տնտեսագետների ներգրավվածություն, որպիսիք կգտնեք մեր գործընկերների շարքում։