Հաշտարարությունը ՀՀ-ում

Հաշտարարությունը ՀՀ-ում վեճերի լուծման ժամանակակից ու արդյունավետ տարբերակ է՝ առանց դատարան դիմելու։ Այն ապահովում է գաղտնի և համագործակցային գործընթաց, որի շրջանակում չեզոք միջնորդը օգնում է կողմերին հասնել արդար և փոխշահավետ համաձայնության։

Կապ մեզ հետ

Ի՞նչ է հաշտարարությունը

Հաշտարարությունը գործընթաց է, որն ուղղված է կողմերի համաձայնությամբ իրենց միջև առկա վեճն անկողմնակալ երրորդ անձի՝ հաշտարարի օգնությամբ հաշտությամբ լուծելուն: Հաշտարարություն կարող է իրականացվել քաղաքացիական, ընտանեկան, աշխատանքային, իսկ օրենքով նախատեսված դեպքերում՝ նաև այլ իրավահարաբերություններից բխող վեճերով:

Հաշտարարությունը կարող է իրականացվել վեճի լուծմանը հաշտարար
կամ մշտապես գործող հաշտարարական հաստատություն ներգրավելու
միջոցով:

Ո՞վ է հաշտարարը
Հաշտարարն անկախ, անկողմնակալ, գործի ելքով շահագրգռվածություն չունեցող ֆիզիկական անձ է, որն իրականացնում է հաշտարարություն կողմերի միջև առկա վեճը հաշտությամբ լուծելու նպատակով:
Հաշտարարն իրավունք ունի իր գործունեությունն իրականացնելու ինչպես անհատապես, այնպես էլ մշտապես գործող հաշտարարական հաստատությունում:
Ո՞վ է արտոնագրված հաշտարարը
Արտոնագրված հաշտարար է օրենքով սահմանված կարգով արտոնագրված հաշտարարի որակավորում ստացած և արտոնագրված հաշտարարների ռեեստրում գրանցված ֆիզիկական անձը:
Արտոնագրված հաշտարարի որակավորում կարող է ստանալ 25 տարին լրացած այն անձը, որն ունի բարձրագույն կրթություն:
Հաշտարարությունն աչքի է ընկնում մի շարք
առանձնահատկություններով՝ կամավորություն, համագործակցություն, ճկունություն, գաղտնիություն, արագություն և ծախսարդյունավետություն։
Հաշտարարության միջոցով կարելի է կարգավորել գրեթե ցանկացած բնույթի
և բարդության վեճեր ու տարաձայնություններ։

Էմ Բի Լեգալը ներկայացված է հետևյալ հարթակներում

Ի՞նչ է հաշտարարական գաղտնիքը

Հաշտարարը պարտավոր է պահպանել հաշտարարական գաղտնիքը։
Հաշտարարական գաղտնիք են հաշտարարության ընթացքում
բացահայտված կամ արտահայտած տեղեկությունները, հաշտարարության
բովանդակությունն ու բնույթը: Հաշտարարական գաղտնիքը կարող է
հրապարակվել օրենքով նախատեսված դեպքերում:

Ինչպե՞ս է իրականացվում հաշտարարությունը

Հաշտարարությունն իրականացվում է կողմերի համաձայնությամբ սահմանված կարգով, եթե այլ բան սահմանված չէ օրենքով:
Կողմերի համաձայնությամբ հաշտարարության իրականացման կարգ սահմանված չլինելու դեպքում հաշտարարությունն իրականացվում է հաշտարարների ինքնակարգավորվող կազմակերպության, իսկ մշտապես գործող հաշտարարական հաստատության միջոցով հաշտարարություն իրականացնելու դեպքում՝ այդ հաստատության սահմանած կանոններով:

Հաշտարարությամբ վեճերի լուծումը ոչ դատական եղանակ է, երբ կողմերը փոխադարձ համաձայնությամբ՝ անկախ, չեզոք հաշտարարի օգնությամբ, փորձում են լուծել իրենց տարաձայնությունը։

Ո՞ր վեճերը կարող են լուծվել հաշտարարության միջոցով․

Հաշտարարությամբ կարող են լուծվել, մասնավորապես՝

Ընտանեկան վեճերը
Այն դեպքում, երբ ամուսինները որոշում են ամուսնալուծվել և ունեն տարաձայնություններ, օրինակ՝ երեխայի խնամքի, բնակության վայրի, ալիմենտի կամ գույքի բաժանման հարցերում, նման վեճերը կարող են արդյունավետ կերպով լուծվել հաշտարարության միջոցով։ Ի տարբերություն դատական գործընթացի՝ հաշտարարությունը կողմերին հնարավորություն է տալիս խաղաղ մթնոլորտում, փոխադարձ համաձայնությամբ որոշել երեխայի խնամքին առնչվող հարցերը, սահմանել ալիմենտի չափը, բաժանել գույքը և, միևնույն ժամանակ, խուսափել երկարատև դատական ընթացակարգերից ու մեծ ֆինանսական ծախսերից։
Աշխատանքային վեճերը
Աշխատանքային վեճերը սովորաբար ծագում են աշխատողի և գործատուի միջև տարաձայնություններից։ Դրանք կարող են ընդգրկել՝ աշխատավարձի ուշացումը կամ չվճարումը, արձակուրդի չտրամադրումը, սահմանված կարգի խախտմամբ աշխատողին արձակուրդից հետ կանչելը, աշխատանքից ազատելը կամ աշխատողի աշխատանքային պարտականությունների ոչ պատշաճ կատարումը։
Հաշվի առնելով աշխատանքային իրավահարաբերությունների առանձնահատկությունները՝ հաշտարարությունը հադես է գալիս որպես այդ ոլորտի վեճերի լուծման լավագույն եղանակ։ Դատական պրակտիկայի ուսումնասիրությունը ևս ցույց է տալիս, որ հաշտարարությունն աշխատանքային վեճերը լուծելու ամենաարդյունավետ եղանակն է
Ընկերությունների միջև ծագած վեճերը
Ձեռնարկատիրական հարաբերությունների իրականացման ընթացքում շատ հաճախ գործընկերների միջև ծագում են վեճեր և հաշտարարի աջակցությամբ կողմերը կառուցողական երկխոսության միջոցով կարող են հասել փոխհամաձայնության՝ չվտանգելով միմյանց միջև առկա գործընկերային հարաբերություները։
Գումարի բռնագանձման մեճերը
Բիզնես գործարքների կամ քաղաքացիական պայմանագրերի խախտումներից առաջացած վեճերը կարելի է արդյունավետ կերպով լուծել հաշտարարության միջոցով։ Այս գործընթացն ընձեռում է կողմերին հնարավորություն՝ հանգիստ, կառուցողական միջավայրում քննարկելու տարաձայնությունների պատճառները և գտնելու փոխշահավետ լուծումներ՝ խուսափելով երկարատև դատական գործընթացներից։
Դատական հայց ներկայացնելու փոխարեն կողմերը կարող են դիմել անկախ հաշտարարի, ով կօգնի կողմերին հասկանալու միմյանց դիրքորոշումները, վեր հանել պահանջի ծագման հիմքերը և պայմանավորվել հնարավոր վճարումների ու դրանց կառուցվածքի շուրջ։ Կողմերը կարող են գալ համաձայնության, օրինակ՝ ամբողջ գումարի կամ դրա մասերի վճարման ժամկետների, հերթականությունների կամ այլ եղանակների շուրջ՝ պահպանելով գործարար հարաբերությունները և խուսափելով հավելյալ ծախսերից ու ժամանակի կորուստից։

Լուծեք ձեր վեճը գաղտնի և արդյունավետ, փորձառու միջնորդի աջակցությամբ։

Ստանալ անվճար խորհրդատվություն

Ի՞նչ է հաշտարարության վերաբերյալ համաձայնությունը

Հաշտարարության վերաբերյալ համաձայնությունը պայմանագրային կամ
ոչ պայմանագրային որոշակի իրավահարաբերության կապակցությամբ
կողմերի միջև կնքված համաձայնությունն է` իրենց միջև առկա կամ
հնարավոր որոշակի վեճը հաշտարարությամբ լուծելու վերաբերյալ:
Հաշտարարության վերաբերյալ համաձայնությունը կարող է կնքվել ինչպես
պայմանագրում համապատասխան վերապահում (հաշտարարության
վերաբերյալ վերապահում) կատարելու, այնպես էլ առանձին պայմանագրի
(հաշտարարության վերաբերյալ համաձայնագրի) ձևով:
Հաշտարարության վերաբերյալ համաձայնությունը կնքվում է գրավոր:

Ինչու՞ գործի լուծումը հանձնել հաշտարարին

Հաշտարարության հիմնական առավելությունները.

Ժամանակի խնայողություն
Դատական գործերը կարող են տարիներ տևել, մինչդեռ հաշտարարության գործընթացը սովորաբար մի քանի շաբաթից մինչև մի քանի ամիս է տևում: Դատական ժամկետները անհամեմատելիորեն երկար են հաշտարարության գործընթացի հետ համեմատելիս, որը նախաձեռնելուց մինչև ավարտ կարող է տևել ընդամենը մեկ շաբաթ, իսկ հաշտարարության հանդիպումը սովորաբար/կամ միջինում տևում է չորս ժամ։
Ծախսերի նվազում
Հաշտարարությունը, որպես կանոն, կապված է ավելի քիչ ծախսերի հետ, մինչդեռ դատական վեճի լուծումը կարող է պահանջել մեծ ծախսեր, ներառյալ պետական տուրք, փաստաբանի վարձատրության գումար և այլն։ Վեճերի լուծման գործընթացի տևողությունն ուղղակիորեն ազդում է վերջնարդյունքի և ծախսարդյունավետության վրա
Վստահության պահպանում և հարաբերությունների շարունակություն
Հաշտարարության նպատակը ոչ թե մեկ կողմի հաղթանակն է, այլ փոխընդունելի լուծումը, ինչն օգնում է պահպանել կամ վերականգնել կողմերի միջև փոխադարձ վստահությունը (օրինակ՝ գործարար հարաբերություններում կամ ընտանեկան վեճերում):
Գաղտնիություն
Գաղտնիությունը հաշտարարության հիմնաքարերից է։ Ի տարբերություն դատավարության՝ հաշտարարությունը մասնավոր գործընթաց է, և գործընթացի հետ կապված ցանկացած տեղեկատվություն վերաբերում է միայն հաշտարարության կողմերին։
Կողմերի վերահսկողական գործառույթ
Կողմերն իրենք են որոշում հաշտարարի անձը, քննարկման ձևաչափը և վերջնական լուծումը։Հաշտարարությունը ճկուն գործընթաց է և կողմերին հնարավորություն է ընձեռնում մշակել վեճի լուծման սեփական մոտեցումները, ինչպես նաև ամբողջ գործընթացի հանդեպ լայն վերահսկողություն իրականացնել։
Այսպես, ի տարբերություն դատավարության՝ կողմերը կարող են հաշտարարության գործընթացը հարմարեցնել իրենց ծանրաբեռնվածությանը և գործի հատուկ հանգամանքներին։ Հաշտարարության դեպքում կողմերն են ընտրում իրենց գործով հաշտարարին։ Այս կարևոր առանձնահատկությունը հնարավորություն է տալիս ընտրել մասնագետի, ում մասնագիտական կարողություններին և փորձառությանը կողմերը վստահում են։
Իրավական ուժ ունեցող համաձայնություն
Եթե հաշտարարության արդյունքում ձեռք է բերվում համաձայնություն, ապա այն հաստատման համար կարող է ներկայացվել դատարան։ Դատարանի կողմից հաստատվելուց հետո այդ համաձայնությունը դառնում է պարտադիր կատարման ենթակա փաստաթուղթ և կարող է իրականացվել կատարողական թերթի հիման վրա։

Ո՞ր գործերով է պարտադիր նախքան դատարան դիմելը հաշտարարության իրականացումը

Նոր օրենսդրական փոփոխությունների համաձայն ամուսնաընտանեկան մի շարք վեճերով նախքան դատարան դիմելը հաշտարարության իրականացումը պարտադիր է լինելու։

Նախքան դատարան դիմելը հաշտարորությունը պարտադիր է հետևյալ գործերով՝

ամուսնալուծություն
1
երեխայի բնակության վայրի որոշում
2
ալիմենտի (ապրուստավճարի) բռնագանձում
3
ալիմենտի (ապրուստավճարի) բռնագանձում
4
ամուսինների ընդհանուր սեփականությունը համարվող գույքի բաժանում
5
երեխայի հետ շփմանը, դաստիրակությանն ու կրթությանը վերաբերող հարցերով ծնողական կրավունքների իրականացում
6
երեխայի տեսակցության կարգի սահմանում,
ամուսնական պայմանագրի փոփոխում կամ լուծում

Ավելին, պարտադիր հաշտարարության գործընթացում հնարավոր է ներկայացնել մեկից ավելի պահանջներ։

Այս հնարավորությունը ամրապնդում է ընտանեկան վեճերի կարգավորման կանխարգելիչ և ոչ դատական մեխանիզմների կիրառման անհրաժեշտությունը՝ միաժամանակ նպաստելով արդարադատության մատչելիության բարձրացմանը, դատական համակարգի ծանրաբեռնվածության նվազեցմանը և կողմերի նյութական ու ժամանակային ռեսուրսների արդյունավետ օգտագործմանը։

Հաշտարարության պարտադիր փուլը խթանում է վեճերի խաղաղ կարգավորմանը՝ ապահովելով կողմերի իրավունքների լիարժեք պաշտպանություն և ընտանեկան հարաբերությունների հնարավորինս մեղմ ու հավասարակշռված կարգավորում։

Ի՞նչ ենք մենք առաջարկում

«ԷՄ ԲԻ ԼԵԳԱԼ» ՓԲԸ-ն իրականացնում է նաև վեճերի արտադատական ճանապարհով լուծմանն ուղղված իրավական գործողություններ։
Մեր փորձառու իրավաբանների և հաշտարարների թիմը նպատակ ունի ապահովել կողմերի շահերի համադրման լավագույն լուծումը՝ խուսափելով երկարատև դատական գործընթացներից, ինչպես նաև ֆինանսական ու ժամանակային հավելյալ ծախսերից։

Մենք առաջարկում ենք՝

Հաշտարարական գործընթացի կազմակերպում՝ անկախ, անկողմնակալ հարթակում
Իրավաբանական փաստաթղթերի մշակման աջակցություն
Մասնագիտական բանակցությունների վարում՝ կողմերի միջև փոխըմբռնման հասնելու նպատակով

Հաշվի առնելով գործընթացի ոչ ֆորմալ բնույթը՝ հաշտարարությունն ապահովում է արագություն, գաղտնիություն և առավել ճկուն մոտեցում՝ կողմերի փոխադարձ համաձայնության հիման վրա:

Մեր ծառայությունները