Էքստրադիցիա

Հանձնումը (Էքստրադիցիա)՝ օտարերկրյա պետության կողմից հետախուզվող Հայաստանի Հանրապետության տարածքում հայտնաբերված անձի հանձնումն է օտարերկրյա պետությանը քրեական հետապնդում կամ դատաքննություն իրականացնելու կամ կայացված դատավճռի կատարումն ապահովելու նպատակով։

Էքստրադիցիայի հետ կապված հարցրեը կարգավորվում են “Քրեական վարույթներով իրավական օգնության մասին” ՀՀ օրենքով

Свяжитесь с нами сегодня!

Ո՞ր դեպքերում Հայաստանի Հանրապետությունը կարող է մերժել անձի հանձնումը

Միջազգային պայմանագրով նախատեսված հիմքերով

Եթե Հայաստանի Հանրապետության վավերացրած միջազգային պայմանագրերով այլ բան նախատեսված չէ, անձի հանձնման վերաբերյալ օտարերկրյա պետության իրավասու մարմնի հարցումը մերժվում է՝

եթե հիմնավոր պատճառներ կան ենթադրելու, որ հանձնումը պահանջվել է հայցվող անձի ռասայական, կրոնական, ազգային, որոշակի սոցիալական խմբի պատկանելության կամ քաղաքական կարծիքի պատճառով քրեական հետապնդում իրականացնելու կամ պատժի կիրառման համար,
եթե լուրջ վտանգ կա, որ հանձնումը թույլատրելու դեպքում հայցվող անձին կարող են սպառնալ խոշտանգում կամ դաժան, անմարդկային կամ նվաստացուցիչ վերաբերմունք կամ պատիժ,
եթե հարցումը վերաբերում է Հայաստանի Հանրապետության քաղաքացու հանձնմանը,
եթե հանձնման ենթակա անձի նկատմամբ, Հայաստանի Հանրապետության օրենքին համապատասխան, քրեական հետապնդում չի կարող իրականացվել, կամ դատավճիռը չի կարող ի կատար ածվել վաղեմության ժամկետն անցնելու պատճառով կամ այլ օրինական հիմքով,
եթե Հայաստանի Հանրապետությունում նույն արարքի համար արդեն իսկ առկա է անձի նկատմամբ կայացված դատավճիռ կամ գործով վարույթը կարճելու կամ քրեական հետապնդումը դադարեցնելու կամ քրեական հետապնդում չհարուցելու մասին որոշում,
եթե անձը, որի հանձնման վերաբերյալ օտարերկրյա պետությունը հարցում է ներկայացրել, հետապնդվում է այնպիսի հանցանք կատարելու համար, որի համար տվյալ երկրի ներպետական օրենսդրությամբ նախատեսված է մահապատիժ, և օտարերկրյա պետությունը չի ներկայացրել սույն օրենքի 37-րդ հոդվածի 1-ին մասի 4-րդ կետով նախատեսված երաշխիքը,
եթե անձը, որի հանձնման վերաբերյալ օտարերկրյա պետությունը հարցում է ներկայացրել, կենթարկվի քրեական պատասխանատվության արտակարգ դատարանի կողմից, կամ եթե հանձնման ենթակա անձի նկատմամբ ի կատար ածվելիք դատավճիռը կայացվել է նման դատարանի կողմից,
եթե անձը, որի հանձնման վերաբերյալ օտարերկրյա պետությունը հանձնման մասին հարցում է ներկայացրել, տվյալ օտարերկրյա պետությունում դատապարտվել է ազատազրկման վեց ամսից պակաս ժամկետով, իսկ քրեական հետապնդում իրականացնելու նպատակով հանձնումը պահանջելու դեպքում հանձնումը պահանջվում է այնպիսի արարքի համար, որի համար Հայաստանի Հանրապետության կամ օտարերկրյա պետության քրեական օրենսգրքով նախատեսված է մեկ տարուց պակաս ազատազրկման ձևով պատիժ,
եթե հանձնման մասին հարցումը օտարերկրյա պետությունը ներկայացրել է հանձնման ենթակա անձի բացակայությամբ կայացված դատավճռի կատարումն ապահովելու նպատակով և տվյալ օտարերկրյա պետությունը չի տրամադրում սույն օրենքի 38-րդ հոդվածով նախատեսված երաշխիքները,
եթե հանձնումը կարող է վնասել Հայաստանի Հանրապետության անվտանգությունը, հասարակական կարգը կամ կենսական նշանակության այլ կարևոր շահեր.
միջազգային պայմանագրով նախատեսված այլ հիմքերով:

Պաշտպանեք ձեր իրավունքները էքստրադիցիայի դեպքում՝ MB Legal-ի հետ

Կապ հաստատեք մեզ հետ իրավաբանական խորհրդատվություն ստանալու համար!

Ո՞ր մարմինն է կայացնում հաձնման մասին որոշումը

Գլխավոր դատախազությունը
Մինչդատական վարույթում գտնվող քրեական վարույթներով
Արդարադատության նախարարությունը
Դատական վարույթում գտնվող գործերով կամ եթե արդեն իսկ կայացված է դատավճիռ

MB Legal-ը ներկայացված է լավագույն վարկանիշային աղյուսակներում

Ի՞նչ բողոքարկման կարգ է սահմանված հանձնման որոշման համար

Հանձնման թույլտվության մասին որոշումները ենթակա են դատական վերանայման

Հանձնման թույլտվության մասին որոշումների վերանայման բողոք կարող է բերվել`

որոշումը կայացրած մարմնի գտնվելու վայրի առաջին ատյանի ընդհանուր իրավասության դատարան որոշումն ստանալուց հետո՝ 10 օրվա ընթացքում,
վերաքննիչ դատարան՝ առաջին ատյանի ընդհանուր իրավասության դատարանի որոշումն ստանալուց հետո` հինգ օրվա ընթացքում,
Վճռաբեկ դատարան՝ վերաքննիչ դատարանի որոշումն ստանալուց հետո՝ հինգ օրվա ընթացքում:

Ի՞նչ երաշխիքներ կարող է ստանալ պետությունը հանձնելուց առաջ

Իրավասու մարմինը ըստ անհրաժեշտության հանձնման մասին հարցում ներկայացրած օտարերկրյա պետության իրավասու մարմնից կարող է պահանջել և ստանալ հանձնումն իրականացնելու համար անհրաժեշտ երաշխիքներ առ այն, որ՝

անձին հանձնելու դեպքում վերջինիս նկատմամբ քրեական հետապնդում կիրականացվի, կամ անձը քրեական պատասխանատվության կենթարկվի միայն այն հանցանքի համար, որի առնչությամբ նրա հանձնումը պահանջվել է.

անձը չի հանձնվի կամ փոխանցվի երրորդ պետությանը՝ առանց հանձնումը թույլատրած Հայաստանի Հանրապետության իրավասու մարմնի համաձայնության.

անձը, որի հանձնումը պահանջվել է, կկարողանա լքել հանձնումը պահանջող պետության տարածքն այն վարույթի ավարտից հետո, որի իրականացման համար պահանջվել է ենթադրյալ հանցանք կատարած անձի հանձնումը, իսկ դատապարտվելու դեպքում՝ դատավճռով նախատեսված պատիժը կրելուց հետո.

հանձնման դեպքում, տվյալ օտարերկրյա պետության օրենքներին համապատասխան, անձի նկատմամբ չի նշանակվի կամ չի կիրառվի մահապատիժ.

5) հանձնման դեպքում անձը կօգտվի տվյալ օտարերկրյա պետությունում առկա իրավական օգնության և պաշտպանության միջոցներից, և վերջինս չի ենթարկվի խոշտանգման, անմարդկային կամ նվաստացնող վերաբերմունքի կամ պատժի, ինչպես նաև խտրական վերաբերմունքի՝ կախված սեռից, ռասայից, մաշկի գույնից, էթնիկ կամ սոցիալական ծագումից, գենետիկական հատկանիշներից, լեզվից, կրոնից, աշխարհայացքից, քաղաքական կամ այլ հայացքներից, ազգային փոքրամասնությանը պատկանելությունից.

իր բացակայությամբ օտարերկրյա պետության տարածքում կայացված դատավճռի կատարումն ապահովելու նպատակով հանձնելու դեպքում անձին կտրամադրվեն իր պաշտպանությունն իրականացնելու և արդար դատաքննություն ապահովելու համար օրենքով սահմանված բոլոր հնարավորությունները, և վերջինիս կտրամադրվի իր ներկայությամբ վերստին դատաքննություն իրականացնելու կամ առնվազն իր նկատմամբ կայացված դատավճռի վերանայման իրավունք:

Մեր ծառայությունները