Ճանապարհատրանսպորտային հանցագործություններով պաշտպանություն

Յուրաքանչյուր ոք, ով երբևէ ավտոմեքենա է վարել, կհաստատի, որ ոչ ոք ապահովագրված չէ ճանապարհատրանսպորտային պատահարներից։ Եթե դուք մասանակից եք դարձել նման պատահարի, որը հանգեցրել է քրեական գործի, ապա կարևոր է հնարավորինս շուտ դիմել փաստաբանի օգնությանը ձեր իրավունքների պաշտպանությունը առավալագույնս արդյունավետ կազմակերպելու համար։

Կապ մեզ հետ

Ինչ է իրենից ներկայացնում ճանապարհատրանսպորտային հանցագործությունը

Ճանապարհատրանսպորտային հանցագործությունները այն արարքներն են, որոնք կատարվում են ճանապարհային երթևեկության կանոնները խախտելու հետևանքով և հանգեցնում են ծանր հետևանքների՝ մարդու մահ, ծանր կամ միջին ծանրության մարմնական վնասվածքներ կամ էապես վտանգում են ճանապարհատրասնպորտային երթևեկության անվտանգությունը։

Որպես կանոն ճանապարահատրասպորտային հանցագործության հիմքում ընկած խախտումը նախատեսված է Ճանապարահային երթևեկության կանոնները և տրանսպորտային միջոցների շահագործումն արգելով անսարքությունների և պայմանների ցանկը հաստատելու մասին ՀՀ կառավարության 2007թ․ 955-Ն որոշմամբ և «Ճանապարհային երթևեկության անվտանգության ապահովման մասին» օրենքով, իսկ նշված նորմերի խախտման հետևանքով առաջացած հետևանքներն արդեն հանգեցնում են քրեական պատասխանատվության։

Ճանապարահատրասպորտային հանցագործությունների թվին են դասվում՝

Ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության անվտանգության ապահովմանն ուղղված պահանջ կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոն խախտելը, որը մարդու առողջությանն անզգուշությամբ պատճառել է ծանր կամ միջին ծանրության վնաս (ՔՕ 342 հոդված)։
Տրանսպորտային միջոցը հարբած (ոչ սթափ), տասնվեց տարին չլրացած կամ տվյալ տեսակի տրանսպորտային միջոց վարելու իրավունք չունեցող կամ տրանսպորտային միջոց վարելու իրավունքից զրկված կամ տրանսպորտային միջոց վարելու իրավունքը կասեցված կամ այն անձին հանձնելը, որը տրանսպորտային միջոցը հանձնող անձի համար ակնհայտորեն տվյալ իրադրությունում իր ֆիզիկական կամ հոգեկան վիճակի հետևանքով չէր կարող տրանսպորտային միջոցն անվտանգ վարել, եթե հանձնողի դրսևորած անզգուշության հետևանքով մարդու առողջությանը պատճառվել է ծանր կամ միջին ծանրության վնաս (ՔՕ 343 հոդված)։
Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը նույն արարքի համար օրենքով սահմանված պատասխանատվության կիրառումից հետո` մեկ տարվա ընթացքում (ՔՕ 344 հոդված)

MB Legal-ը ներկայացված է լավագույն վարկանիշային աղյուսակներում

Պաշտպանեք ձեր իրավունքները ՃՏՊ-ից հետո

Կապ մեզ հետ

Ինչու է անհրաժեշտ դիմել փաստաբանի

Ճանապարհատրասնպորտային հանցագործությունների յուրահատկությունը կայանում է նրանում, որ վթարում մեղավորության հարցը որոշվում է փորձաքննությամբ։ Ընդ որում՝ փորձաքննություն կատարելիս հաշվի են առնվում բազմաթիվ հանգամանքներ՝ ճանապարհածածկույթը, եղանակային պայմանները, լուսավորությունը, տեսանելիությունը, տրանսպորտային միջոցի արագությունը, խոչընդոտի ի հայտ գալու հանգամանքները, վթարը կանխելու հնարավորությունը, հետիոտնի վարքագիծը և այլն։ Այս ելակետային տվյալները որպես կանոն ստացվում են ցուցմուքներից, ուստի շատ կարևոր է ցուցմունք տալուց առաջ խորհրդակցել փաստաբանի հետ, որպեսզի Ձեր հայտնած տվյալները հետագայում չօգտագործվեն Ձեր դեմ, իսկ փորձաքննություն կատարելիս հաշվի առնվեն բոլոր մանրուքները, որոնցից յուրաքանչյուրը կարող է բեկում մտցնել վթարի առաջացման սխեմայում և, ըստ այդմ, հերքել կամ հաստատել մեղավորությունը։

ՀՀ քրեական դատավարության օրենսգիրքը նախատեսում է որպես ապացույց օգտագործել նաև փորձագետի կարծիքները, որոնք վարույթի մասնավոր մասնակիցներին՝ տուժող կամ մեղադրյալ, հնարավորություն են տալիս քննիչի կողմից նշանակված ոչ համոզիչ փորձաքննության եզրակացությունները վիճարկել հատուկ նեղ մասնագիտական հիմնավորումներով։

Իսկ ավելի հե՞շտ չէ արդյոք ընդունել մեղքը և գնալ մեղմ պատժի

Ցանկացած ոչ արդարացնող հիմքով քրեական հետապնդման դադարեցում՝ այդ թվում տուժողի հետ հաշտվելու հիմքով, լի է հետագա ռիսկերով, որոնք կարող են հանգեցնել ողջ կյանքի ընթացքում ուղեկցող ծանր ֆինանսական բեռի։ Օրինակ՝ եթե անձը վթարի հետևանքով կորցրել է իր աշխատունակությունը կամ մահացել է, ապա քրեական վարույթով հաստատված մեղավորությունը կարող է հիմք հանդիսանալ հետագայում նաև քաղաքացիական պատասխանատվության, որով Դուք պարտավոր կլինեք հատուցելու պատճառված վնասի հետևանքով կորցրած եկամուտը կամ անչափահաս զավակների խնամքի հետ կապված ծախսերը։

Հենց այս պատճառով էլ մենք խորհուրդ ենք տալիս վաղաժամ չհանձնվել և պայքարել արդարացման համար։

Մեր Ծառայությունները

Էքստրադիցիա

MB Legal предоставляет профессиональную юридическую помощь тем, кто столкнулся с запросами о экстрадиции. Наши адвокаты по экстрадиции помогут защитить ваши права и обеспечить справедливый процесс.