Ներկայում Հայաստանի Հանրապետությունում ոչ միայն Ռուսաստանի, այլ տարբեր երկրների քաղաքացիներ կան, որոնք իրենց կենսական և տնտեսական շահերի կենտրոնը տեղափոխելով Հայաստան՝ հնարավորություն ունեն բացել հաշիվներ ՀՀ առևտրային բանկերում և սպասարկվել Հայաստանի բանկային համակարգում։
Սակայն հարկավոր է հաշվի առնել, որ
- Ոչ բոլոր բանկերն են Հայաստանում բացում հաշիվներ ոչ ռեզիդենտ անձանց համար,
- Ներկայում հեռավար կերպով ոչ ռեզիդենտ անձանց համար չեն բացվում հաշիվներ (բանկում ֆիզիկական անձի ներկայությունը պարտադիր է)
- Ի տարբերություն ռեզիդենտների` ոչ ռեզիդենտ անձանց համար հաշիվներ բացելը կարող է լինել ավելի ժամանակատար և երկարատև գործընթաց:
Ի՞նչ փաստաթղթեր են անհրաժեշտ ֆիզիկական անձանց համար բանկային հաշիվ բացելու համար:
Բանկային հաշիվ բացելու համար փաստաթղթերի ցանկը տարբերվում է՝ կախված մի քանի հանգամանքներից, ինչպիսիք են դիմումատուի իրավական կարգավիճակը և ծագումը, հաշվի տեսակը, ազգությունը և այլն:
Օտարերկրացիների համար հաշիվ բացելիս, բացի վերը նշված փաստաթղթերից, որոշ բանկեր կարող են պահանջել բնակության ապացույց՝ կոմունալ վճարումների, բանկային և/կամ հարկային քաղվածքների կամ այլ օժանդակ փաստաթղթերի տեսքով (օրինակ՝ տեղեկատվություն կամ փաստաթուղթ ֆինանսավորման աղբյուրի կամ եկանուտների աղբյուրի մասին): Յուրաքանչյուր դեպքում բանկն ազատ է ըստ հայեցողության պահանջել հավելյալ փաստաթղթեր:
Ոչ ռեզիդենտ քաղաքացիները և/կամ բարձր ռիսկային երկրներից (Սիրիա, Թունիս, Պակիստան և այլն) անցնում են հատուկ հաճախորդների պատշաճ ուսումնասիրության՝ KYC ընթացակարգի համաձայն և բանկային հաշվի բացման հարցումը կարող է մերժվել բանկի ողջամիտ հայեցողությամբ, իսկ ԱՄՆ քաղաքացիներից նաև պահանջվում է լրացնել FATCA (W9) ձևը։
Ի՞նչ փաստաթղթեր են անհրաժեշտ իրավաբանական անձանց համար բանկային հաշիվ բացելու համար:
Հայաստանի Հանրապետությունում ոչ ռեզիդենտ իրավաբանական անձանց համար հաշվի բացումը բավականին երկարատև և բարդ գործընթաց է։ Բանկը կարող է և պահանջում է ներկայացնել բոլոր փաստաթղթերը որոնք որևէ կերպ փոխկապակցված են ոչ ռեզիդենտ իրավաբանական անձի հետ։
Ի տարբերություն ոչ ռեզիդենտ իրավաբանական անձանց, ռեզիդենտ իրավաբանական անձանց դեպքում հաշիվների բացումը ավելի հեշտ գործընթաց է, եթե անգամ հիմնադիրը և/կամ տնօրենը ոչ ռեզիդենտ ֆիզիկական անձինք են։
Քանի որ յուրաքանչյուր դեպքում բանկի կողմից կարող են պահանջվել տարբեր փաստաթղթեր, մեզ հետ խորհրդատվության արդյունքում կարող ենք ընտրել Ձեզ համապատասխան բանկը` իր պահանջներով, ինչն անհամեմատ կհեշատցնի Ձեզ համար բանկի հետ կապված թղթաբանական երկարատև գործընթացները:
ԷՄ ԲԻ Լեգալ ընկերությունն առաջարկում է բանկային հաշվի բացման համար իրավական ուղեկցում, մասնավորապես՝
- Բանկային հաշիվների և քարտերի վերաբերյալ իրավաբանական խորհրդատվության տրամադրում,
- Գործընթացի վերահսկում,
- Փաստաթղթերի հավաքագրում, այդ թվում նոտարական կարգով սահմանված փաստաթղթերի թարգմանություն պատրաստում
- Ուղեկցում՝ բանկերում։
Ինչքա՞ն ժամանակ է պահանջվում հաշիվ բացելու համար։
Փաստաթղթերի ստուգման համար մինչև երկու շաբաթ` կախված բանկերից:
Հնարավո՞ր է բացել միանգամից մի քանի հաշիվ` տարբեր արժույթներով:
Այո, իհարկե հնարավոր է:
Արդյո՞ք անձի ներկայությունը պարտադիր է նաև քարտեր ստանալիս։
Կախված բանկի ընտրությունից հնարավոր է նաև առանց Ձեր ներկայության ստանալ քարտերը` նոտարական կարգով վավերացված լիազորագրի միջոցով:
Կարո՞ղ ենք միաժամանակ դիմել մի քանի բանկ։
Այո, կարող ենք:
*Բանկերի կողմից մերժումները և/կամ ուշացումները որևէ կերպ չեն կարող վերահսկվել Ընկերության կողմից։ Որոշ բանկերի ներքին կանոնակարգի համաձայն չեն տրամադրվում նաև մերժման հիմքերն ու պատճառները։ Ընկերության կողմից կարող է երաշխավորվել միայն որակյալ և ժամանակին իրավաբանական խորհրդատվության մատուցումը և աջակցությունը։
